أعترافات نائب برلما ني نادم

**moon light**

ذبّيتْ روحي اعـْله الحُكـُم ............ ......... ........... وْادري الحُكُــم ياذيها
يا وسْفتي مــا حـَصّلِت ............ ......... ........... غير النـّدَم تاليهـــا
يا وسْفتي بعْت الوطـــن ............ ......... ........... وصْبَحِتْ عبْد الـدولار
ويّة الحراميّة صِــــرتْ ............ ......... ........... تيّار يُضرُبْ تيّـــار
وآنه ابوســط هالمعمعـة ............ ......... ........... (صـاير مثل ماشة نار)
ذيابة وْضبـاع اوْ مَچـلبة ............ ......... ........... والمالكي واويـــها
جوگة اذيابة امگطُمــة ............ ......... ........... والمالكي بيها النّجـم
صاير شريف ابن الزنــا ............ ......... ........... منْ عابتْ الذاك البچم
ايلعْب النفس منْ تنظــره ............ ......... ........... ماكو عقل بسْ الجسم
اوصاف أبدْ ما تنحچــي ............ ......... ........... لو ما العيب أحچيـها
لمْلوم اجـوْ من كل كُتـُـر ............ ......... ........... واويّة ترعى ابكل زور
هذا الأجـــة من لنْــدن ............ ......... ........... او ذاك العُبَرْ سبْع ابحور
او هذا الذي من قـُم إجــه ............ ......... ........... ويّاه جايـب بعْـرور
فيْلقْ افـاعي امرقطــــة ............ ......... ........... والخـامني امْرَبّيهــا
والمشكلة الماتنحچـــي ............ ......... ........... بالطالباني او شهْبـور
جوگـة حراميّـة كمُـش ............ ......... ........... طرطور يكفخ طرطور
واهـل العمـايم عالْسّره ............ ......... ........... ومْدافع اعلة الطابـور
كلمنْ ايحود الگـُرصِتــه ............ ......... ........... نار الفرن يشويــها
ومْـنينْ أبدَأ ْ قصّتــي ............ ......... ........... والقصّة حيْـلْ اطْويلـة
أحداث چَنـْها امصفـّطة ............ ......... ........... مثل الف ليلة او ليلــة
أعْـترفْ آني اتورّطــتْ ............ ......... ........... والورطة والله اثگيلــة
لكنْ عسه كلمن قــ ............ ......... ........... ـراها القصتي يرويـها
رشّحني حزب العلقمــي ............ ......... ........... للبرلمان اعــــوازة
هوسة او گلت خلْ انتفـع ............ ......... ........... من لـَمّة ْ الهــزازة
مو برلمان البيه رحـِـتْ ............ ......... ........... لطـّامة عِدْها إجنازة
كل النقاش اعله اللــغف ............ ......... ........... أولّهـا او تاليهــا
ما شفت واحد بيْ نفــع ............ ......... ........... نـُوّاب نُصها ازبالة
عشرين الف موقف إلــه ............ ......... ........... يُگلُبْ مثل بدّالــة
أقبض احسابك من دَبـشْ ............ ......... ........... ويْ جوقة البطالـة
مخبوطة هاي المسألــة ............ ......... ........... ما ينشُرب صافيهـا
عشرين الف موقف الــه ............ ......... ........... دكتـور لكن باللغُف
من ينحرِج ما ينفهــم ............ ......... ........... ينتف شعـر راسه نتِف
أثول ايوتوت بالحچـــي ............ ......... ........... يا يابه من هيچي صلف
حسبالك الهوسه الاجـت ............ ......... ........... هو الذي مسوّيهــا
حسّيت من أوّل حَــرُفْ ............ ......... ........... هذا الجَمِعْ أمريكــي
زلمـاي ابن سير النـَعَل ............ ......... ........... گايد ستيف او ميكي
خشـّــوْا علينه ابعنجهة ............ ......... ........... يحچون بالتكتيكــي
وتـْبيّن ازبالة (الزِلِـــم) ............ ......... ........... ذرّة شرَف ما بيهــا
خبّـاز أفغاني الاصـــلْ ............ ......... ........... يحچيلـي بالشـرعية
شـَرْعِيّة! لو كلمَن إله ؟ ............ ......... ........... واللـّغـُفْ بالگونيّـة
وچمالة ابو ناجـي النغلْ ............ ......... ........... يرگصـلة بالچَفـّيـّة
لو يعلگ العشـْرة شمِعْ ............ ......... ........... ملعـون ابو ناجيهـا

**لبيك يا حسين**

شكرا اخي علموضوع الرائع
تحياتي
لبيك يا حسين

_________________
أمشي إليك توسلا خطواتي وأعدها إذ أنها حسناتي
ووددت لو أن الطريق لكربلا من مولدي سيرا لحين مماتي
لأنادي في يوم الحساب تفاخرا أفنيت في حب الحسين حياتي (لبيك يا حسين)
http://www.youtube.com/watch?v=jjE7L7vldhE

**moon light**

الشكر لله منورة بمرورج اختي العزيزة
تحياتي الج

**حنين العراق**

مقالة:

ذيابة وْضبـاع اوْ مَچـلبة ............ ......... ........... والمالكي واويـــها
جوگة اذيابة امگطُمــة ............ ......... ........... والمالكي بيها النّجـم
صاير شريف ابن الزنــا ............ ......... ........... منْ عابتْ الذاك البچم
ايلعْب النفس منْ تنظــره ............ ......... ........... ماكو عقل بسْ الجسم

هههههههههههههههههههههههه اكول يعني هو طلع ابن زنا استغفر الله ليش هيج هم ما يعجبهم العجب لا حول الله يارب
هههههههههههههههههههههههههههههه كلمات اضحك والله

اشو ياهو الي يجي للحكومه ما يعجبكم شنو لعد الي يعجبكم ما افتهم كلمن يجي ويكول هذا ابن زنه وذاك ابن شوارع

لعد شكو انتخبتوا حكومه خوب جان ضليتوا بدون حكومه اهواي احسن

مشكور مون لايت على القصيده الي تحرق الدم

مع تحياتي لك

حنين العراق

_________________

**سعادنجم**

جميل الكلام ومضحك بنفس الوقت تسلم مون لايت

_________________

عندي وطن ضليت بس أشتاك اله وياعذاب الماكدر يوصل هله
حرموني منه المايرحمون امنيتي ارجع بس لكن اشلون
عندي وطن مشدودة روحي بروحه خايف احضنه والجم اني اجروحه

**ليث العراقي**

لمْلوم اجـوْ من كل كُتـُـر ............ ......... ........... واويّة ترعى ابكل زور
هذا الأجـــة من لنْــدن ............ ......... ........... او ذاك العُبَرْ سبْع ابحور
او هذا الذي من قـُم إجــه ............ ......... ........... ويّاه جايـب بعْـرور
فيْلقْ افـاعي امرقطــــة ............ ......... ........... والخـامني امْرَبّيهــا
كم هي جميلة ومؤثرة هذه الكلمات عاشت ايدك

**moon light**

حنين العراق كتب:

هههههههههههههههههههههههه اكول يعني هو طلع ابن زنا استغفر الله ليش هيج هم ما يعجبهم العجب لا حول الله يارب
هههههههههههههههههههههههههههههه كلمات اضحك والله

اشو ياهو الي يجي للحكومه ما يعجبكم شنو لعد الي يعجبكم ما افتهم كلمن يجي ويكول هذا ابن زنه وذاك ابن شوارع

لعد شكو انتخبتوا حكومه خوب جان ضليتوا بدون حكومه اهواي احسن

مشكور مون لايت على القصيده الي تحرق الدم

مع تحياتي لك

حنين العراق

[/quote]

حقج حنونة تضحكين لان متدرين شنو الي ديصير وكاعدين انعانيه من ورة هذولة الحثالة الي تكولين ميعجبوكم

وثاني شئ احن ما انتخبناهم ولا رايديهم اصلا بس خلف الله على ايران الي خلتهم مرتين بالتزوير

مشكورة على المرور